lego logo

莫乃光 @ 毛孟靜議員根據《權力及特權條例》動議的議案發言 (2013.12.05)

2013-12-05

主席,今天我們又在一個月之內,第二次在立法會有議員提出以權力及特權法,要求透過無論是政府本身,或者是香港電視主席王維基先生,或者是通訊局主席何沛謙先生,出示在審批本地免費電視節目服務牌照申請的過程中的相關文件,我們集中關心的主要是那四份顧問報告。今次毛孟靜議員提出的特權法議案,比較四星期前我提出的動議和郭榮鏗議員的修正案,是進了一步,要求委任一個專責委員會,要求王先生和何先生到委員會作證。

主席,政府一定是以為,我們香港人已經開始淡望香港電視不獲發牌這件事,再也無十萬人上街,再也無人連續多晚在政府總部集會,今次的特權法動議辯論,相信都無法通過,也無法挨到上次的十多個小時。

不過,局長你真的以為香港人會忘記,會放低,你就錯了。無錯,香港人各有各忙,的確好難晚晚來示威,但我這一個月見到任何朋友或者甚至之前不認識的市民,他們多數都同我講一件事,就係話,電視發牌件事,唔好放棄呀!我諗,他們不是因為好想睇電視,是因為他們睇到這件事的不公義,當然這不難看出,細路仔都睇得出唔公道啦!所以,港視員工會繼續呼籲市民元旦日上街,不會忘記,繼續爭取。

局長今天仍然講,公開顧問報告,「唔會幫助市民了解特區政府的決定」,梗係啦,如果公開咗,政府會驚,只會將矛頭進一步直指向那「一男子」,咁你點解釋啫?就是因為要隱瞞囉!

所以,局長舉出的不發牌的理由,連石禮謙議員昨晚都要話係ambiguous(含糊),甚至childish(幼稚)呀!你話咩呀,講咗兩個月,都係話,我已經解釋哂啦,乜你仲未明咩?咁樣會衝擊行政會議運作機制、政治化,有咩你叫王維基告我啦,喂,大人細路都見到幾離譜!可憐局長你要講足兩個月,仲未完㗎,今日之後仲未完㗎。好似梁耀忠議員都話,其實件事都唔關你事嘅,不過你又要頂 。

我今日重新睇返上次特權法辯論時我寫低的筆記,睇返當日很多建制派議員的發言,我就唔打算重複啦,雖然我相信他們今日很多都不會發言,但我無法不講的是,四個星期前,很多建制派議員都叫政府你嘅解釋唔得呀,做得唔好呀,解釋好啲啦。好啦,一個月囉喎,有咩進一步解釋呀?

無呀,只有通訊局主席何沛謙先生發聲明話,他們建議是發牌給所有申請者,因為他們都合獲得牌照的條件,和顧問公司的負責人公開表明,他們的顧問報告可以說是被「不適當地使用」,指政府引述報告不全面、斷章取義、誤導公眾,並且資料更是過時,等於用個很舊的報告去處決一個申請者的機會、夢想。

政府的處理方法,只是爆一單處理一單。通訊局未說他們與行政會議意見不同時,又唔見政府當局話俾市民知?通訊局講咗,你就話,噢,我們一早知道啦,早你又唔講?顧問未爆他們的報告根本是被誤用時,只見政府靠哂顧問報告做擋箭牌,顧問出聲後,局長就話顧問不顧「職業操守,捲入政治討論」,這是什麼態度?俾錢那個就大哂?而家顧問覺得被人屈,什麼都入佢數,他們當然要出來以正視聽啦!

局長竟然質疑顧問的專業操守,專業人士的專業態度,唔係客人永遠是對的呀,是恪守專業態度,以公眾利益為先,肯向權力說不,這才是專業操守的典範。顧問講出真相後,局長你只能說,政府即是行會不一定要跟你嘅,咁你早又唔講,重講到好似你跟足顧問報告咁。真係爆一個謊言……(未完)

全文可考閱以下網頁:
http://charlesmok.blogspot.hk/

Office Of Hon. Charles Mok, Legislative Councillor (IT)